Living in a Covid-19 Free Country – Office of the Prime Minister (Cook Islands)

Mama’s of the Golden Oldies Group staying at the Atiu Hall

The Prime Minister of the Cook Islands – Honorable Henry Puna, says the government of the Cook Islands’ priority regarding the coronavirus disease pandemic is to protect the public health and safety of its people.

“So far, we have been successful in defending the Cook Islands, keeping us COVID-19 free, and we don’t want to surrender this great effort. One of our priorities is to bring home our people stranded in New Zealand; but we have to do this in a way that keeps the Cook Islands COVID-19 free.”

“We commend the New Zealand Government for their public health measures that have helped us achieve our COVID-19 free status, and we continue to support New Zealand’s efforts in managing their fight against COVID-19.”

“We have some limitations in our health system, for example we do not have longer-term intensive care capability and we have many vulnerable people in our community with underlying diseases for whom contracting COVID-19 could have fatal consequences.”

“Our people who have been caught up in the lockdown in New Zealand are in safe hands and we thank New Zealand for looking after them.”

While the lockdown is still in place, the Head of Te Marae Ora Cook Islands Ministry of Health – Dr Josephine Herman, travelled to New Zealand yesterday.

Speaking from an Auckland Hotel where she is in managed isolation today, Dr Herman commented “our priority is to work with New Zealand officials to firm up the repatriation process for our people who want to return home. In doing so we cannot afford to drop our guard and we need to ensure this process is safe for them and their loved ones in the Cook Islands.”

The Prime Minister continued “we are unwavering in our determination to keep the Cook Islands free of COVID-19. That is why we need to be very very careful about how we manage any repatriations” he said.

“May I remind you that around the world over two million people have been afflicted with this disease, and more than 150,000 have died, and those figures are climbing daily. Can you blame us for wanting to continue to keep our Cook Islands paradise COVID-19 free?

“We must not undermine what we have achieved here in the Cook Islands as a country, through collaboration between our government, traditional leaders, church leaders, Island Councils, the private sector and our communites ‘aka Puna.’ Our unity and faith will continue to keep us safe and resilient as a people and as a nation.

Kua Ᾱru atu te Arataki o te Tua ‘akatanotano ‘I te Ipukarea ‘I te ‘Ᾱkara’anga tei’ Akanoo ‘ia ē Jacinda Adern

Te Motu ko Rakahanga – Tapuahua

Te ‘akakite nei te Arataki ō te tua ‘Akatanotano ‘i te Ipukarea koia te mema ngāteitei ō Rakahanga ‘a Tina Browne ē tē ‘irinaki nei ‘aia ē ka āru te Prime Minister o te Kuki Airani ‘i te ‘ākara’anga tā te Prime Minister ō Aotearoa ‘a Jacinda Adern ‘i rave atu koia ‘oki ‘i te tīpū atu’anga ‘i teta’i tu’anga ō tāna moni Mema Pāramani nō teia’a tāna ē kite atūra ‘i runga ‘i te ‘iti tangata ē rātou tikāi kāre ‘e ‘anga’anga ‘aka’ou ana. Kua ‘akapa’apa’a rāi ‘oki te Mema ō Rakahanga ‘i teia tā Adern ‘i rave atu.

Kua tīpū atu ‘oki ‘a Browne ‘ē 15% ō tāna moni mema Pāramani ‘ē ka ‘akano’o atu ‘aia ‘i tē reira tu’anga moni kia ‘aka’okina ‘iātu ‘ei tauturu atu ‘i teta’i au ‘anga’anga ka anoano tauturu ‘i runga ‘i tōna ‘Enua Rakahanga.

Kua ‘akakite ‘oki ‘a Browne ē kua vao’o atu rāi ‘aia ē na tōna au mema rāi ē kimi atu ‘i tō rātou manako ē mē ka āru atu rātou ‘i tāna ‘i rave mē kāre.

Kua ‘akakite ‘oki ‘aia ē, ‘e ‘aka’ātinga’anga teia nā te Prime Minister ō Aotearoa ‘ei ‘akaari atu ki te ‘iti tangata ē, ka ‘inangaro rāi ‘aia ē koia teta’i ka ‘apai kapiti ‘i teia teia’a te ‘akatupu ‘ia ē teia maki Covoid 19.

‘I roto ‘oki ‘i te ‘akakitekite’anga ā te Tauturu Prime Minister Mark Brown ‘i teia ‘epetoma ‘i topa ake nei ‘i runga ‘i te PMN Cook Islands, ka rauka ‘i te Kavamani ‘i te tauturu atu ‘i te tu’anga ‘anga’anga nō teta’i ngā marama, ināraā me ka roa ‘uātu rāi te tāmanamanata’anga ā teia maki, ka ‘ākara atu ei rātou ē ‘ea’a tā rātou kā rave. Kua ‘akakite rā ‘oki ‘a Tina Browne ē, penei ē, ‘ē ‘ākarakara katoa atu rāi te Prime Minister ē tōna pupu ē pera te au arataki ō teta’i au Tipatimani ō te Kavamani ‘e moni ma’ata ta rātou ē ko’i ra kia tīpū rāi ‘i tā rātou moni ‘anga’anga ‘ei tauturu atu ‘i teta’i au ngā’i ka ‘inangaro ma’ata ‘ia te tauturu.

15% Pay-Cut for the Leader of the Opposition in the Cook Islands

Article Written by Florence Syme-Buchanan

Member of Parliament for Rakahanga and Leader of the Opposition Hon. Tina Browne

The salary of Democratic Party Opposition leader Tina Browne will undergo a 15% pay-cut over the next six months.

Browne is the first Cook Islands parliamentarian to volunteer to forfeit part of her salary to show solidarity with her country that’s in a serious economic downturn due to the global impact of Covid-19.

“Our country and people are taking a big financial hit at this time, it is only right that we parliamentarians also make a sacrifice given that the entire country has undergone belt tightening, hundreds have lost their jobs and have uncertain futures.”

“I believe that we are all in this together and I urge all members of Parliament to be actively doing our part to show unity with our people.”

“These are very difficult times and as members of Parliament we have to lead the way and show support and compassion.”

Browne says that she has left the matter of volunteering pay cuts to members of her caucus to decide for themselves – “I’ve asked them to make a conscientious decision, this is a personal matter they need to decide for themselves.”

“I do know that some of my MP’s are strongly in favour of directing a percentage of their pay into their constituency fund.”

Browne says she hopes that PM Henry Puna will do likewise and will effect a 15% pay cut to the salaries of cabinet, government MPs and all Heads of Ministries. Browne intended to meet with the PM before announcing her decision but a meeting was not possible at the time of the release of this article.

“New Zealand prime minister Jacinda Ardern is showing the world so much empathy and strong leadership during this world pandemic, she has actioned a salary cut for herself and her cabinet including heads of ministries – we too can show the same for our iti tangata,” says Browne.

Browne says she will be advising MFEM to direct the 15 percent pay cut to the Rakahanga constituency fund to be used to support the island as needed. “Life on Rakahanga has always been challenging because of it’s isolation and infrequency of freight, so the next six months will be even more difficult for my constituency.”

Rakahanga is 1,248 kms (775 miles) north of Rarotonga – the second northernmost island in the Cook group. It has a population of around 90 people. It’s nearest neighbor is Manihiki 44 kms (27 miles) away.

Browne says with government stating it has the ability to sustain operations for the next six months and beyond that would most likely require the country obtaining a loan to keep functioning, “it is even more important that those earning the highest salaries in government make sacrifices now like so many of our people are already doing.”

Read More at Cook Islands News

Te Maki COVID-19 I teia tuātau

‘I teia ‘openga ‘epetoma kua takakē ‘aka’ou atu ‘ē rua ngā tangata nō teia maki Covid -19 ‘i Aotearoa nei. Ko teia ngā mate ‘oki nō te Ma’anākai. Ko teta’i ‘oki tei takakē atu ‘e tangata mei roto mai rāi ‘i teta’i Pūnanga ‘akaruru’anga ō te aronga pakari  koia ‘oki te Rosewood Rest homes. ‘I teia ‘epetoma ‘oki ‘i topa kua takakē atu teta’i Vaine ‘ē 70 tūmā mata’iti mei taua Pūnanga ‘Akaruru’anga rāi.

Kua ‘akakite ‘oki te tangata ma’ata ō te Marae Ora ō Aotearoa nei koia te Taote Ashley Bloomfield ē, kua kitena ‘ia mai ē ko teta’i tangata ‘anga’anga ō teia nga’i kua ō takere ‘ia atu ‘aia ‘iaia ē ta maki iaia ē ‘aere ra ki te ‘angaanga ‘i piri atu teia maki ki runga ‘i te au metua pakarikari ‘i roto ‘i teia ngā’i. Kua ‘akakite katoa rāi ‘oki ‘aia ē ‘auraka te ‘iti tangata ē po’itirere mē ‘e au tumatetenga ‘akaou teta’i ka tupu mai mei teia pūnanga ‘i teia ngā rā.

Ko te tumu ‘oki teia ‘i ‘akapakari ‘ia ei te akoako’anga ki te au māpū ‘e, ‘auraka ē ‘aere koka aere ‘e oti ‘aere atu ei ‘i te ‘ātoro ‘i tō rātou au tupuna. Te meitaki ‘uāra te vaerua ‘ātoro ‘inārā mē kua pipiri mai ‘oki teia maki ki runga ‘ia rātou ‘i te ngā’i ‘i ‘aere ei rātou, kā topa atu rāi ki teta’i ngā’i ‘i roto ‘i te ngutu’are ō vouvou mā. Kua ‘akakite ‘ia ‘oki ē, tē meitaki ‘uāra teta’i ma’ata’anga ō te māpū mē to ‘ia rātou ē teia maki ka rauka ‘i te tu’anga pāruru nātura ō te kōpapa māpū ‘i te tamaki atu ‘i teia maki, ‘inārā ko te au metua ‘ē te au tangata ‘e makimaki tinamou tō rātou, kāre ē rauka ‘i tō rātou kōpapa ‘i te tamaki atu ‘i teia manumanu Corona.

Kua ‘akaue atu ‘oki te Taote Bloomfield ē kia ‘ātoro kātoatoa ‘ia atu te au pūnanga ‘akapū’anga ō te au metua Pakari ‘i Aotearoa nei ‘ē kia ‘akapāpū ‘ia atu ē ‘auraka tei tupu ‘i Rosewood kia tupu ki teta’i ngai kē atu. Kua ‘akaue katoa ‘ia atu ‘oki te Aronga ‘anga’anga ō te Marae Ora kia ‘akapāpū e kua rava te au ‘apinga nō te ropiropi’anga viviki ‘i te kā tū ‘ia atu ē teia maki ‘i roto ‘i teta’i ‘ua atu ō teia au pūnanga nei.

‘I teia tuātau ‘oki te kitena ‘ia mai nei ē, ko te māpū te ma’ata’anga ē tu ‘ia nei ē teia maki nō te koka ‘oki ē te putuputu’anga ki teta’i au māpū kē atu ma te kore ‘e āru’anga ‘i te au ‘akamatakite’anga. Ko te ma’ata’anga rāi ‘oki ē mate nei ko te au metua pakari. Ko te ngā’i mataora ‘oki ‘i teia ngā rā, kāre rai teia maki ‘i tō meitaki ake ki rotopū ‘i te ‘iti tangata Patipika

Mē kua ‘irinaki koe ē kua tū ‘ia koe ‘ē teia maki, ‘auraka koe ē ‘aere atu ki kō ‘i te taote, māri rā, ‘ē ringi atu koe ‘i tō’ou taote nā mua.

Mē kāre ‘e rauka mai, rīngi atu ‘i teia numero tauturu ō teia maki koia ‘oki te New Zealand Covid-19 Healthline 0800 358 5453, mē kare ‘oki tā’au ‘i te nūmero Nuti Reni ‘e rīngi atu koe ‘i teia nūmero +64 9 358 5453. Ko te au ‘akairo ngō’ie ‘ua ‘oki ō teia maki koia, ‘e ‘ūpē, mamae te karaponga, ‘ē te veravera te kōpapa.

Ko te Aroa te ‘apinga pu’apinga ‘I teia tuātau – Marshal Walia

Marshal Walia – Tamaiti e kave aere atu nei I te au pia kai na roto atu I te CIDANZ I Akarana

‘I teia au tuātau ē ‘aere nei teia maki rikarika ‘e te ū nei te au ngutu’are ki te au ‘apainga teia’a tūkētūkē, ‘e tauturu teta’i tā te Kavamani ‘i ‘akano’o nō teia tuātau, kāre rā ‘oki ‘i pāpū ē, ‘ea’a te roa ‘i mua ake kā pou ei teia. ‘E au putuputu’anga mē korē ra tā’okotai’anga teta’i ē vai nei tei ‘akataka’ia nō te ‘ākarakara ē ko’ai te ka tau ki teia au tauturu. Ko te ‘apinga ‘oki teia ē roa nei, ‘i te mea ‘oki ē ka ‘inangaro te au tu’anga nā rātou teia ‘anga’anga kia pāpū tikāi ‘ia rātou ē tē ‘aere nei te tauturu ki te aronga tei anoano ma’ata tikāi ‘i te tauturu.

‘Inārā mē oti ‘ua mai ‘ana ‘i teia pupu ‘i te ‘akapāpū ē ka ‘aere te tauturu ki’ea, ko teta’i tangata ē ‘apai nei ‘i te au pi’a kai ki te au ngutu’are koia ko Marshall Walia, ‘e tangata Initia.

Kua pukapuka atu au ki teia tamaiti, ‘ē 27 ona mata’iti ‘ē kua ‘akakite mai ‘aia ē ‘e ‘anga’anga tana ‘inārā te ‘akamatamata nei ‘aia ‘i tāna ‘ua’o rāi Pitiniti roko ‘ia mai ei ‘e teia maki.

Kua ui atu ē, ‘ea’a ‘aia ‘i rave ei ‘i teia angaanga ‘i Akarana nei ‘e oti akēra kā ‘aka’oro ‘aia mei teta’i ‘ope ki teta’i ‘ope ō Akarana? ‘E āka ngā’i ‘oki ‘a Akarana ‘ē tē ‘ākara ‘ua atu nei ‘oki au ki te pou ki runga ‘i te penitini.

Kua ‘akakite mai ‘aia ē, ‘i te ngā pi’a mua rāi tāna ‘i kave atu, kua ‘ati tikāi tōna ngākau ‘i te kite’anga ‘aia ‘i te mata taitaiā pūma’ana ō te au metua ‘ē te au pū ngutu’are ‘i te kite’anga ‘i te pi’a kai. Kua ‘akakite mai ‘oki ‘aia kia aku ē, ko te ora’anga ō te ‘iti tangata Initia ‘i roto ‘i te au ‘oire, mei tō te ‘iti tangata Patipika rāi. Ko teia ‘angaanga tauturu ‘aere ‘i tōna au metua pakari ‘i Initia kua mātau ‘aia ‘i te rave. ‘I teia nei ‘i nana ei kā rave ‘ua atu rāi ‘aia ‘i teia ‘anga’anga nō te mea ‘i nana ei, mē kite atu ‘aia ‘i te mata ‘ē te tū pūma’ana ō te tangata, kua pa’una ‘i nana ei tōna ora’anga ‘i roto ‘i teia nei ao. Ko te aro’a te ‘apinga pu’apinga, tē meitaki ‘ua nei ‘oki ‘aia ē tōna ngutu’are tangata nō reira ka tauturu tauturu ē ka ‘anga’anga tā’okota’i tātou. No reira kōtou ‘i Akarana ‘ākara ‘ia mai teia taeake.

‘Auraka ē ‘Akaariari mai ‘I tā kōtou kaikava ki mua ‘I te kātoatoa ‘I teia tuātau Tūmatetenga ē te ‘Akama’ara’anga ‘I te Mate ‘ē te Tū ‘Aka’ou’anga – Pati’anga ‘aka’aka ki te au mapu ‘Enuāmanu

 

Orometua Michael Akava e tona Tokorua  te anau

‘I teia ‘openga ‘epetoma kua tuku atu teta’i ‘Orometua mei te Ipukarea mai ‘i tāna pati’anga ‘aka’aka rava ki te au māpū ‘Enuamanu ē no’o nei ‘i Aotearoa ‘ē ‘Ōtirēria ‘auraka kia tuku atu ‘i to rātou au tūtū teata ē kaikava ara nā runga ‘i te pukamata.

Kua ‘akakite ‘oki te ‘Orometua Michael Akava ē, tē tomo nei te ‘iti tangata nā roto ‘i teia tuātau tūmatetenga nō teia maki ō te Covid-19, ‘inārā kāre tākiri ‘e karo’anga ē te manamanata nei teia au māpū nō tē reira. Runga’o ‘oki ‘i teia ‘i nā te ‘Orometua ei, ‘i teia tuātau mate ‘ē te tū ‘akaou’anga ō tō tātou ‘Atu ko Iesu Mesia kua kino atu teia ‘akaariari’anga mai ā teia au māpu ‘i teia au peu kaikava ki mua ‘i te kātoatoa nā runga ‘i te matapuka. Ko teta’i manamanata ‘oki tei kitena ‘ia atu, kia ‘akamata mai teta’i kua āru atu teta’i pupu ‘i tā rātou ‘akaariari’anga.

Kua ‘akakite ‘ia ‘oki ē, ‘e tika’anga rāi tō teia au māpū ‘i te tuku ‘i tā rātou ka anoano ki runga ‘i te matapuka. Kua ‘akakite rā ‘oki te ‘Orometua ē, nō reira ‘oki ‘aia ‘i tata ei ē “te pati ‘aka’aka nei ‘aia ki te au māpū”. Kua ‘akakite katoa ‘oki ‘aia ē kāre ‘aia ē tē araara ra ki te au māpū kātoatoa māri rā ki tō ‘Enuamanu ‘ua ‘i te mea ‘oki ē, nana rāi ia au tamariki.

Orometua Michael Akava Mama Orometua e te anau

‘I runga ‘oki ‘i te pukamata, ‘e ma’ata ‘ua atu rāi te au tangata tei turu atu ‘i te tuatua ā te ‘Orometua.

‘I teia tuātau ‘oki ‘i runga ‘i te pukamata, tē ma’ata ‘ua atu ra te ‘akaa’riari’anga ‘ā te au māpū ‘e teta’i au pakari katoa ‘i tā rātou ‘anga’anga kaikava ki mua ‘i te kātoatoa ‘i te au ngā’i rava rāi.

Kare oki I papu e me ko te Kuki Airani ua teia e maata nei I te rave I teia. Ko te manamanata rā ‘oki ō teta’i ma’ata’anga tangata ‘i teia nei koia ‘oki ko te ‘aka’āriu’anga tā teia ka ‘akatupu ‘i te pūtō atu’anga ‘i te tamariki ki teia peu tei ‘āriki ‘ia kia rave ‘ia atu ki mua ‘i te kātoatoa.

Teia’a ki runga I te Ngutuare Tangata ka u rai te Maki Manako

‘I teia tuātau kāre ‘e ma’ata ana te tārē’anga tangata Kūki ‘Airani ē ō nei ki roto ‘i te au manamanata ngutu’are mē ‘aka’āite ‘ia atu ki teta’i au ‘iti tangata kē atu mei te Samoa, Maori ē te vai atūra. Ko te ‘ākara’anga teia ‘ā teta’i tama Kūki ‘Airani ē ‘anga’anga nei ki roto ‘i teia tu’anga nō te ‘ākara atu’anga ki roto ‘i te ora’anga ngutu’are ‘ē te ‘apainga ‘ā iri nei ki runga ‘i te manako ō te au metua ‘ē te aronga mama’ata ‘i teia tuātau ē ‘aere nei te maki Covid-19.

Ko Tuakana Turua kua ‘akamata ‘aia ‘i te ‘anga’anga atu ki roto ‘i te Tu’anga ō te Turanga maki Manako mei teta’i 10 mata’iti ‘i topa. Kua ‘aere atu ‘aia ki te ‘āpi’i Tuatoru ō Poneke, ‘ē kua rauka mai tōna peapa mei teta’i rua mata’iti ‘i topa nō te Tu’anga Ropi’anga koia ‘oki ‘e Bachelor ‘i roto ‘i te Social Works.

 

Tuakana e tona metua vaine I tona kaui, tona teina e te are tuaine

 

Ko te rua mata’iti teia ‘iāia ki roto ‘i te tu’anga ‘anga’anga Porokiroki ‘i te au tangata ‘ē ō nei ki roto ‘i te au manamanata ‘i roto ‘i te ngutu’are nō te rave kino ki tō te ngutuare.

‘I teia tuātau ‘oki te ‘anga’anga nei rāi rātou ‘ite mea ‘oki ē ko teia rā’ui LOCKDOWN, kua taui tē reira ‘i te tūranga Ora’anga ō te ‘iti tangata ‘i roto ‘i te ngutu’are. Kāre ‘oki teta’i ma’ata’anga tangata ‘i mātau ‘i te kite ‘uātu ‘i teta’i ‘i te au taime rava rāi. Ko tei mātau ‘ia ‘oki, kua ‘aere te ma’ata’anga ki te ‘anga’anga, te tamariki ki te ‘āpi’i ē ‘i teta’i ma’ata’anga ngutu’are ko te metua va’ine ‘ua tō te ngutu’are.

Kā riro anake teia au tūranga ‘ei ‘apainga ma’ata ki runga ‘i teta’i au tangata ‘i roto ‘i te ngutu’are. Ko te au tūranga ‘oki teia ē ‘akamata mai ana te manamanata ‘ē ko teia ‘oki tā Tuakana mā ē ‘ākarakara matatio nei ‘i teia tuātau.

Mē kāre ‘oki ē rava te kai mē kore ra te moni, purupururu ‘aere mai ‘a nāringa ‘ē ‘ātika mā. Teta’i au ‘apinga ‘aere kua ngaropoina, ‘oki ‘aka’ou mai, kua ‘aka’apa atu teta’i ‘i teta’i. Penei ē, ‘e au mea rikiriki ‘ua, mē kāre rā ‘oki ē ‘ākarakara meitaki ‘ia kā ma’ata atu te manamanata.

‘I roto ‘i teta’i ‘ākara’anga, tē vai nei teta’i au metua kua mātau rātou ‘i te ‘akaputuputu ki tō rātou au taeake ‘i te au pō Varaire mē oti te ‘anga’anga ē ‘i te mea ‘oki ē kāre teia ē tupu ‘aka’ou kā pura mai rāi teta’i mānga a’i, viviki ‘ua ‘i te riri riro atūra ‘ei manamanata ma’ata atu. Ko teia au ‘apinga anake ka anoano ‘ia kia mārama te au ngutu’are tangata ē ka ‘akapē’ea ‘i te ‘akatanotano’anga.

Kua ‘akakite ‘oki ‘a Tuakana ē, nō te tū ō te ora’anga ‘i teia tuātau ‘ē te kaveinga ē ‘aere nei te ora’anga ‘i teia tuātau, ‘e ma’ata ‘uātu rāi te au māpū ē tomo nei ki roto ‘i te tu’anga ‘anga’anga maki manako.

Kua ‘akakite ‘oki ‘a Tuakana ē, ko te tumu ‘i tomo ei ‘aia ki roto ‘i teia tu’anga ‘anga’anga nō te mea kua kite tikāi ‘aia ‘i tōna metua tāne ‘i te tomo’anga nā roto ‘i teia maki ‘ia rātou ‘i Rarotonga ‘inārā ‘i tē reira tuātau kāre ‘e tauturu nō tē reira tū ‘āpikepike, ka ‘inangaro ‘aia ‘i nana ei ‘i te tauturu ‘i teta’i ‘uātu ngutu’are tangata kia kore ‘ē tomo nā roto ‘i tā rātou ‘i tomo mai ana nā roto ma to rātou metua tāne tei moe ake nei.

I te tua o tona metua tane, no roto mai aia ia ngati Anautoa e Ngati Uritau. E tuakana oki tona metua tane a Upokoina no Mata Andrew Turua , te Uritaua Rangatira tei moe ake nei. I te tua o tona metua vaine, e mokopuna teia na Teariki

Maeva(Mokini) raua ko MamaTu o Ngatiarua o Raumati.

Ko te teina teia o te metua Tane o Tuakana I mua, rotopu koia a Uritaua Rangatira(Andrew Turua) tei moe ake nei te uanga a Tura mei roto mai I Te Uanga Tai Kaaanapa Tiu Te

‘E Kāpua’anga nōku ki Avaiki Nui

‘E Maunga ko Tūroa
‘E vai tapu ko te vairoa
‘E Vaka ko ‘Ᾱpaipai moana
‘E Matakeinanga ko Te’akatauira
‘E Marae ko Pū ‘Arakura
‘E ‘Are Kōrero ko te Maora-o-te-au
Ko au teia Te Ka’a Tua Tika
‘E One Kura
‘E One Tapu
‘E ‘Uri mokomoko nā ‘Uke Ariki
‘E Mokopuna nā Teariki rāua ko Matapo Maeva

COVID-19 TŪRANGA TE’ATE’AMAMAO 4 – KURA ‘ŌU

Moni Tauturu ā te Kavamani ‘I te au Kamupani kāre ‘e ‘Anga’anga ‘akaou ana

‘I roto ‘oki ‘i te ‘akamārama’anga ā te Prime Minister nō runga ‘i teia tauturu, kua ‘akakite ‘aia ē ko teia moni, ‘e moni tauturu ‘i te au Kamupani ‘i te tauturu’anga ‘i tā rātou aronga ‘anga’anga. Te vai nei ‘oki teta’i au ngā’i ‘anga’anga kāre ‘e anoano ‘aka’ou ‘ia ‘i teia tuātau ‘i muri ake ‘i te ārai’ia ‘anga te putuputu ki te ngā’i ‘okota’I, ‘e rāvenga nō te tā māria mai ‘i te toto’a’anga ō te manumanu ō teia maki Covid-19.

Kua ‘oake ‘i reira te kavamani ‘i teia moni ‘ei tūtaki atu ‘i te aronga ‘anga’anga ‘inārā, kāre ‘oki ē ko te ma’ata ‘i ta rātou ‘i mātau, ‘inārā kua rava ‘ua ‘ei tauturu ‘i te kōpu tangata. ‘E ‘anga’anga ‘oki ia nā te au kamupani ‘i te ‘akatano atu ‘i tē reira. Kua ‘akakite ‘oki ‘a Adern ē ko teia a’kataka’anga nā te au ngā’i ‘anga’anga ‘ua kua ‘iti tākiri tō rātou ora ‘anga’anga, mē kore ra kua ‘akatakakē ‘ia rātou nō tō rātou tūranga mē kore ra nō te tūranga ō teta’i ō rātou tangata ‘anga’anga.

Ko te au ‘anga’anga ‘oki ē te ‘anga’anga ‘ua nei rāi te aronga ‘anga’anga mei tei mātau ‘ia, kāre tā rātou moni tūtaki ē taui. Kua ‘akakite katoa rā ‘oki te Prime Minister ē, kāre te au pū ē ‘akatika ‘ia kia mānono ‘i te aronga ‘anga’anga kia ‘apai ‘i tō rātou Annual leave ‘ē rauka ei ‘ia rātou teia moni, kāreka rā ko teia moni ‘i nā te PM ei, ‘e tika’anga tō te aronga ‘anga’anga ‘i te ko’i ‘i tē reira mei tō ratou au pū mai mē kāre rātou ē ‘anga’anga ‘aka’ou ana ‘i teia tuātau. ‘Inārā ‘i nā te Prime Minister ei, mē ka  inangaro rātou ‘i tō rātou aronga ‘anga’anga ‘i te ‘apai ‘i tō rātou annual leave, ‘e ‘oake rātou ‘i teta’i tuātau ‘akate’ate’amamao ‘ē 14 rā ‘i mua ake kā tā’anga’anga atu ei ‘i te annual leave.

Ko teia moni rā ‘oki ‘i ‘akakite ei te Prime Minister, ‘ei tauru ‘i te au Pitiniti ‘i te ‘ākono’anga ‘i tō rātou aronga ‘anga’anga.

Kua ‘akakite ‘oki ‘aia ē mē kua ‘irinaki te aronga ‘anga’anga ē, ‘e ‘anga’anga taukore teta’i ē rave ‘ia ara mē kore kāre rātou ‘i mārama meitaki ē ‘ea’a tē tupu ra, ‘e ringi atu rātou ‘i te nūmero O800 20 9020  mē kore ra ‘ātoro atu ‘i te ‘ātui roro uira infor@employment.govt.nz

Ko te aronga kātoatoa ‘oki ‘i nānā ei ka ‘akarukena ‘ia mai nō runga ‘i tā rātou ngā’i ‘anga’anga nō teia tūranga ō te maki ‘e ‘aere nei, ‘e tika’anga tō rātou ki te tauturu ā te WINZ ma te kore ‘e tiaki ‘inārā tei runga ‘ua ‘i te tangata ‘i te māro’iro’i i te ringi atu me kore ra ‘i te ‘ātoro atu ‘anga ‘i te tauturu nā roto ‘i te ‘ātui roro uira.

I raro ake ‘oki ‘i te ‘akano’ono’o’anga ō te Kiwi Saver ‘e tu’anga rāi teta’i tei ‘akano’o ‘ia mei teia ē tupu nei ‘e matara mai ei te moni ‘inārā, kua ‘akakite te Prime Minister ē kia ‘ātoro atu te ‘iti tangata ‘i te pupu nā rātou ē ‘akateretere ana ‘i tā rātou Kiwi Saver ‘inārā kua poroki katoa ‘aia ē, ‘e vao’o ‘ua te ‘iti tangata ‘i te Kiwi saver ‘e rāvenga mē kāre atu rāi ‘e tauturu kē atu ‘ē rauka.

‘Akamātau ‘I te Tā’anga’anga ‘I te ‘Ātui Roro Uira

Kua ‘akakite ‘oki te Prime Minister Jacinda Adern ē, ‘i teia ‘epetoma ‘i topa ‘i roto ‘ua ‘i teta’i 4 rā, mei teta’i 7,500 tangata tei rīnga atu ‘i te ‘Ōpati ō te Work and Income koia ‘oki te WINZ. Kua tupu mai ‘oki teia nō te au ngā’i ‘anga’anga tei tōpiri ‘ia atu ‘i te mea ‘oki ē, kāre ‘e tangata ‘aka’ou ē ‘aere ana ki reira, mē kore ra kāre te tangata ‘ē ‘akatika ‘aka’ou ‘ia kia ‘aere atu kia rātou mei te au ngā’i kaikai, kaikave ‘ē tē vai atūra. Tē vai katoa ara ‘oki te au ngā’i ‘anga’anga mei te au ngā’i ‘oko ‘apinga mei te mōtokā, te kāka’u ē tē vai atūra. Ko te au ngā’i ‘oki ē ‘anga’anga nei koia ‘oki ko te au ngā’i ‘ua ka anoano’ia mei te au toa ‘oko kai matamata, mata ‘ē te au kai punu.

Nō teia tū ‘oki, kua ‘akatika roa te aronga ‘anga’anga ki kō ‘i te WINZ nō teta’i rāvenga ‘ei tauturu ‘i te ngutu’are tangata.

‘I te mea ‘oki ē kua tōpiri katoa te ‘Ōpati o te WINZ, tē nā runga ‘ua nei ‘i reira te rave’anga ‘i tā rātou ‘anga’anga ‘i te tāniuniu ‘ē te ‘ātui roro uira. Kua ‘akite ‘oki te PM Adern ē, māmā atu te ‘iti trangata  ‘i te ‘aere atu ki runga ‘i te kupe Roro Uira ā te WINZ infor@employment.govt.nz. Tē ‘irinaki ‘ia nei rā ‘oki ē ka ma’ata atu te tangata ‘i teia ‘epetoma ka anoano atu ‘i te tauturu ā te WINZ. Kua pati katoa ‘oki te Prime Minister Adern ē, ‘i teia tuātau tūmatetenga, kia ma’ata te ‘akakoromaki ē kia mārama rāi te ‘iti tangata ē tē tauta nei rāi te aronga ‘anga’anga ō te WINZ ‘i te rave atu ‘i tā rātou ‘anga’anga ma te tau, ma te āru atu ‘i te au ‘akaue’anga ki runga ‘ia rātou mei runga atu ‘i tō rātou au ‘aka’aere, nō reia kia tauturu atu rāi te kātoatoa ‘ia rātou nā roto ‘i te ngākau ‘aka’aka ē te aro’a.