Written by Tauraki Rongo (Tutu – nenei’ia e Lisa Williams)

‘I te Ma’anaka ‘i topa, kua rave ‘ia atu te ‘akama’ara’anga ‘i te torunga’uru’anga mata’iti ō te Pa Te Ariki Upoko O Te Tinitini Marie ki runga ‘i te tā’onga ō Pā. ‘I teia ngā mata’iti ‘i topa, nō Aotearoa ‘ua nei ‘a Pā Ariki ‘i te ngā’i ‘i no’o ei nō teta’i au tūranga ō te ora’anga kōpapa.

Ko teia ‘anga’anga tikāi ‘oki ka rave ‘ia atu ki te Ipukarea, ‘inārā, nō te maki ē ‘aere nei, kua mārō rai teta’i ōna ngā Rangatira ē kia rave ‘ia atu teia ‘anga’anga. Mē kāre ki te Ipukarea, ki Aotearoa nei.

Ko Rautea Rangatira (Rosie Blake) ‘ē ‘Iro Rangatira (Joe Ngatae) ngā Rangatira ō Pa Ariki tei ‘akauruuru katoa ‘ia atu ‘i te mata’iti ‘i kake atu ei ‘a Marie Pa ki runga ‘i te tā’onga. Kua turuturu ‘ia atu te ‘akateretere’anga ē te ‘akano’ono’o’anga ō teia ‘anga’anga ‘i te Maanakai e, Pikiare Mataiapo ma te ‘iti tangata Takitumu ‘i Akarana.

Kua tae katoa atu te ‘iti tangata Maori nō teia ‘akakoro’anga. Kua ‘akakite ‘ia ‘oki ‘i roto ‘i te au taratara’anga ē ko te piri’anga ō te Pa Ariki ki te ‘iti tangata Maori, ‘e mea mātūtū te reira. Ko teta’i teina ō Marie Pa kua ‘āngai’ia atu e te kōpu Ariki Tuheitia Paki.

‘I roto ‘i tāna ‘akameitaki’anga ‘i teia ‘anga’anga tei rave ‘ia atu, kua ‘akakite a Pa Marie ē, tē tāpapa atu nei aia nō te ‘oki atu ki te Ipukarea tāvini atu ei ‘i tōna Vaka tangata ‘i Takitumu. Kua ‘akakite katoa ‘a Pa Ariki e, ‘i roto ‘i tana au ‘anga’anga teia rave atu, ko tāna ‘anga’anga ‘openga tei rave ‘ua ‘ia ake nei ko te ’ōronga atu’anga ‘i tetai potonga ‘enua ‘āriki tā’onga ō Pa, ‘ei ‘akaū ‘i teta’i ngutu’are nō te aronga pakari ē te makimaki ‘i te Ipukarea.

Kua puta mai ‘oki teia anoano ‘i muri ake ‘i te kitena’anga ‘ia atu teta’i au metua ē no’o ra ki roto ‘iI tetai au ngutu’are kāre ‘ē tau kia no’o ‘ia ē te tangata.

Written by Tauraki Rongo

‘I roto ‘i te au ‘ākarakara’anga matatio ē rave’ia nei ‘i teia tuātau nō runga ‘i te Papa Ture Tāmanako no te au tika’anga ō te manu’iri ki roto ‘i te Basileia, kua ‘akakite ‘a Terea Mataiapo (Paul Allsworth) ē, tē tā’ī’’ī nei teta’i ma’ata’anga tangata ‘i tetai au ‘akamāramarama’anga.

Pictured: Terea Mataiapo with Te Ikamata Toru Ariki (Center)

Kua ‘akakite ‘oki ‘aia ē kua rave atu te Koutu Nui ‘i teta’i ‘iri’iri Kāpua nō runga ‘i teia Papa ture tāmanako. Ko teta’i ‘apinga ‘oki tei matara mai koia ko te ‘akataka’anga tikāi ō te aronga mana. Ko’ai tikāi te aronga mana?

Kua ō mai ‘oki ‘i nāna ei te ‘akataka’anga ‘i te aronga mana ki roto ‘i tā rātou ‘uri’uri’anga ‘i te mea ‘oki ē kua tāuru atu teta’i aronga ‘i te au ‘aka’aere ‘anga’anga ki roto ‘i tā rātou taratara’anga manako ē, ‘e aronga mana.

Kua ‘akakite ‘oki ‘a Terea ē, ko te Aronga Mana ko te aronga tā’onga ‘ua ‘i roto ‘i te au matakeinanga ō te au Ariki. Ko teia aronga ko te au Ariki, te au Mata’iapo, Rangatira ‘ē te au Kāvana. Ko te au tangata tei ‘akarangatira’ia ē te Evangelia ‘ē pērā rātou tei ‘akarangatira’ia e te ‘akateretere’anga ā te papa’ā, kāre rātou ‘i te aronga mana. Kua ‘akakite ‘oki ‘a Terea ē, tē ‘irinaki nei rātou ē kāre te Kavamani ē rapurapu ‘i te ‘akamana ‘i teia ture māri rā kia ‘ākarakara meitaki ‘ia rāi, ‘ē kia mārama katoa ‘oki te ‘iti tangata ‘i tē reira.

Pictured: Te Aronga Mana o Nukuroa

Kua ‘akakite katoa ‘oki ‘a Terea ē ‘i tāna ‘ākara’anga ka anoano’ia teia ture tāmanako, kia tātā’ia ki roto ‘I te reo maori ‘ē pēra ‘i roto ‘i te tātā’anga kia mārama te ma’ata’anga ō te ‘iti tangata. Kua ‘akakaite ‘aia ē, ko teia ture ‘ē ‘aka’ōu’ia nei ‘i teia tuātau, kā riro tē reira ‘i te tuku ‘i te kaveinga ‘ē tiratiratū ei te toketoke ‘enua, mē tārevakē ‘i nānā ei te ‘akano’o’anga ‘i teia ture ‘i teia tuātau kā peke te tika’anga ō te toketoke ‘enua riro atu ei tātou ‘e ‘utu paunu ‘i runga rāi ‘i tō tatou ‘enua.

Translated by Tauraki Rongo

‘I teia ngā rā tē kimikimi atu nei teta’i Kumiti tei ‘akano’o ‘ia ē te Pāramani ō te Kūki ‘Ᾱirani ‘i te Manako ō te ‘iti tangata nō runga ‘i teta’i Ture Tāmanako ē ‘akate’ate’amamao ‘ia nei nō te tuku atu ki mua ‘i te Pāramani.

Ko teia ture Tāmanako ‘oki nō te Tika’anga ō teta’i tangata ki roto ‘i teta’i Basileia (Immigration)nā te Kūki ‘Ᾱirani.

Ko te ture ‘oki ē mana nei ‘i teia tuātau ko te “Residence and Departure Act 1971-72” inārā ‘i teia tuātau, ‘e ngatā te tā’anga’anga ‘i teia nō teta’i au ‘akataka’anga kāre ‘ē taka meitaki ana.

Ko teia ture tāmanako ‘oki, kua ‘ākara katoa atu tē reira ‘i te tika’anga ō teta’i manu’iri kia no’o tinamou ki te Ipukarea. ‘I teia Marama ‘i topa ake nei kua māro atu teta’i tangata papa’a ē ka ‘inangaro ‘aia kia riro mai ‘aia ‘e tangata Kūki ‘Ᾱirani tikāi. ‘I teia tuātau ‘e tika’anga tōna ‘i te no’o tinamou ki te Ipukarea, kāre rā ‘oki te reira ‘ē rava kiaia. Kua ‘akakite ‘aia ē, ‘e ma’ata ‘uātu rāi tāna ‘i oake atu ki te Kūki ‘Ᾱirani nā roto ‘i te pu’apinga ō tāna Pitinīti, ‘e tau ē ‘i nāna ei kia rauka teta’i tūranga ē, ‘e tangata Kūki ‘Ᾱirani ‘aia, noātu ‘oki ‘i nana ei ē kāre ona tika’anga ki runga ‘i teta’i potonga ‘enua.

Kua riro te māro’anga ā teia tangata ‘ei ‘akaaraara mai ‘i te manako ō teta’i ma’ata’anga tangata Kūki ‘Ᾱirani nō te tika’anga no’o tinamou  ki te Ipukarea e ngō’ie ‘ua nei ‘i te ‘oakena’ia ki te au manu’iri. Ko te ma’ata’anga ō te au manu’iri ‘i te Ipukarea ‘ē  kimi tika’anga tinamou nei, ‘e aronga ‘anga’anga nā te au ‘Ōtēra.

Ko teta’i ē ui’ia nei ‘i teia tuātau ko te tika’anga no’o tinamou ō te tamariki ā teia au manu’iri ‘e tika’anga tinamou tō ratou ‘i teia tuātau.

Ko teta’i tu’anga ‘oki ō teia Ture Tāmanako, ē akarakara matatio ‘ia atu nei koia ko te ‘akataka’anga ‘i te tūranga ō teta’i tangata Kūki ‘Ᾱirani. Ko tā teta’i ma’ata’anga tangata turanga e turu nei koia ko te piri’anga toto. ‘Ei toto Kūki ‘Ᾱirani ‘oki e riro mai ei teta’i tangata ‘ei tangata Kūki ‘Ᾱirani.

Te vai atūra ‘oki teta’i au tu’anga ō teia ture, ē te ‘akakite nei teta’i metua ē, ‘e mea tau kia pati atu te au metua ki tā rātou au tamariki kia ‘ākara atu ‘i teia ture tāmanako ‘i runga ‘i te Kupe roro uira https://parliament.gov.ck  ‘ei reira tuku atu ei ‘i tā rātou tāmanako’anga ki te:

Committee Secretary

Immigration Bill Select Committee
Parliament of the Cook Islands
Rarotonga, Cook Islands.

Ka anoano ‘ia ‘oki teia au manako ‘i mua ake kā tukuna ‘iātu ei teia ki mua ‘i te Paramani ‘i roto ‘ia Tepetema.

Written by Florence Tia Syme-Buchanan

The Ruaau MP of Puaikura is shocked and dismayed over the treatment of firefighters attending a house fire this week by drunken bystanders and that the volunteer village service had a critical piece of equipment stolen.

Pictured: Puaikura volunteer Firefighters in the Arorangi School grounds checking equipments (Photo Puaikura Volunteer firefighters)

MP William (Smiley) Heather says it is unacceptable that while the brave volunteers were trying to save a home from a fire a group of drunks verbally abused them and interefered with their water hoses.

“It makes me very upset that here are our unpaid firefighters doing their best carry out their duties and some thieves thought to take advantage of them being away from the Puaikura Fire Station and to steal the compressor they need to do their job to help our community.”

Pictured: Hon William (Smiley) Heather

“I am calling our community to come together and support our Puaikura firefighters, who do this very important job voluntarily, to inform Police who those abusive and interfering drunks were and to give any information they might have about the stolen compressor to Police.”

“Our Puaikura Fire Service doesn’t deserve to be treated this way. No firefighting service deserves to be treated so badly by heartless people.”

“I am so shocked this happened. I would never have thought our voluntary fire service would get this kind of treatment.”

Meanwhile, Titikaveka MP Sel Napa says she and the Temurimotia Fire Service, another voluntary unit are also saddened and stunned at how the Puaikura Fire Service has been treated. “All the voluntary firefighters have trained hard to be part of two dedicated and committed teams on Rarotonga. They support each other. All the equipment in each of the two fire stations have been obtained through overseas grants. It took a long time for the fire stations to become established. Our volunteer fire fighting service doesn’t deserve this.”

“I am asking whoever the person or persons are who took the compressor from the Puaikura station to please return it. The Puaikura fire service needs this compressor to be able to do the job it does of putting out fires. If you don’t return it, it could be  your house or that of your loved ones that catches fire and they won’t be able to attend to it because you have the compressor. Please do the right thing for our community and safety.” Democratic Party Opposition release.

Written by Tauraki Rongo

‘I te Ipukarea, kua kitena ‘ia mai teta’i au tangata ē no’o nei ki roto ‘i teta’i au ngutu’are kāre ‘e tau kia no’o ‘ia ē te tangata ‘i teia tuātau. Kua tātā ‘ia teia ki roto ‘i te Nuti peapa ‘i te Ipukarea ma te patipati tauturu nō teia au metua. Tē kimi rāvenga ‘aere nei teta’i au tangata kia rauka mai teta’i tauturu nō teia au metua ē no’o ki roto ‘i teta’i au tūranga manako kore ‘ia nō te ipukarea.

Pictured: Ko te ngutu’are teia ō teta’i metua tāne tei kitena ‘ia mai ‘i roto ‘i teia ‘ākarakara’anga

Kua ‘akakite mai ‘oki te Va’ine nāna ‘i ‘akapura mai ‘i teia tūranga ki te ātea ‘a Sylvana Darwent ē, kua mamae tikāi tōna ngākau ‘i muri ake ‘i tōna pukapuka’anga ki teta’i māmā ‘i te rā o te au māmā ‘i oti ‘ua ake nei. Kua ‘apai atu ‘aia ‘i teia māmā ki tōna ngutu’are nō teta’i mānga katikati ma tōna kitekore ‘i tōna tūranga no’o’anga ‘i te ngā’i ē no’o ra ‘aia. Kā mea mai rā ‘i nā Sylvana ē, kāre ‘ua rāi o teia māmā ngutu’are tikāi. Kia ‘ākarakara ‘ō’onu ‘iātu ki roto ‘i teia, kua kitena ‘aka’ou ‘ia mai teta’i ngā metua ‘i roto ‘i teia tūranga. Ko teta’i, tei roto ‘ua ī te kapakapa punu ma te kore ‘e ‘are meangiti, ē teta’i tei roto ‘ua ī te ‘are tuturu.

Kua ‘akakite mai ‘oki ‘a Sylvana ē kāre ‘aia ī kite ē mē tei’ea te ‘ānau mē korē ra te kōpu tangata o teia aronga.

‘I teia nei, kua piri atu ‘a Tina Iro ē Tuaine Papatua ‘ē tā rāua putuputu’anga  ‘ē tē kimikimi atu nei rātou ‘i teta’i au rāvenga nō teia au metua.

Kua ‘akakite katoa ‘oki te tangata ma’ata ō te tu’anga manamanatā rapurapu ē pō’itirere ‘a Charles Carlson ē kua kite ‘ia mai rāi teia ‘i te tuātau kimikimi ā te au puna nō te maki Covid-19 ‘inārā kāre te ‘ō’onu’anga tikāi ō teia ‘i kitena ia atu ana. Kare katoa oki ‘i ‘ākara ‘ia atu ana ‘i te mea ‘oki ē kua ‘akatinamou ‘ua te akarakara’anga ki runga ‘i te pāruru’anga mei te maki Covid-19.